Nogayşa 199: Yaslarman habarlasuv (1)
Allah’tıñ ıznıman
Bu yuma nasip bolsa,
Üyken bîr alimdiñ
Yaslarga bergeni
Bîr dersti sizlerge
Köşiremiz inşallah!
“Bîr kün qasıma parlaq
Bîr kesek yas keldiler.
Yaşav, yaslıq, em havas
Betinden keleberip
Manevi yaşavlarına
Üyken tavlüke bolgan
Barı küna allerden
Saqınıp turmaga,
Teysirli bîr nasihat
Tilegen so yaslarga,
Nav sözlerdi söyledim:
Sizdeki nav yaslıq,
Qaytip bolsa bîr vaqıt,
Elbet bîr kün ketiyek!
Eger halal tögerekte
Qalmay yaşagan bolsanız,
Sosı yaslıq zayı bolup
Dünyada em qabirde,
Ziyadası ahirette,
Özi nazzetinden artıq,
Köp belalar aşuvlardı,
Basınızga akeliyek!
Eger İslam terbiyasıman,
Sosı yaslıq nimetine
Qarşılıq bolsun dep
Em yaslıqtıñ şükrü bolgan
İffet, namusta qalsanız,
Tagı tagatta garcasanız,
Nav yaslıq manevi
Kebimen dayim qalıp
Abedi bîr yaslıqtı,
Sizlerge qazandırar...
Endi nav yaşavdı,
Barabarşa oylasaq,
Sosı yaşavımızda
Eger iyman bolmasa,
Yade tagatsızlıqpan
Bîr adem isyan etse,
Yani iymandıñ teysiri,
Eger tavsilgen bolsa,
Yaşav yalgız tısı arüv,
İşi aşuv, dert tolu,
Qısqaşıq bîr zavqpınan
Azanaqay nazzet bergen...
Tek, insandıñ basına
Mîñler derece artıq
Aşuv, qıyınlıq akelgen...
Nege dese insanda,
Aqıl, pikir bolganga,
Hayvanlardıñ zıddına,
Azir zaman qasında,
Ötken zaman em aldıdaqı
Keliyek zamanlarman tagı
Allah yaratqan kebimen,
İnsandıñ bavı bolgan;
Ol zamanlardan tagı
Em aşuv, em nazzet algan...
Hayvanlarga qaransa,
Aqıl, pikir bolmaganga
Ne ötken zamandan,
Ne aldıdaqı zamanlardan
İnsanlarda bolgan kep
Aşuv, qorqu em maraq
Kelmegeni üşün
Azir nazzetleri qaşpagan...
Tek insan süytüp tuvıl...
Hale bîr de yoldan şıqsa,
Yade gapletke tüsse,
Azirgi nazzetine,
Ötken zamandan kelgen,
Bîr neşe aşuvlar,
Aldındaqı ömründen
Kelipturgan maraqlar,
Aşuv, dert, oylavlar,
Zaten azanaqay qalgan
Azirgi nazzetini,
Aşşı etken, em bızgan...
Bîr de eger halal bolmay,
Haramlarga bılgansa,
Bütün bütün zeyirli,
Bîr bal ökminde bolgan...
Demek hayat nazzeti
Yagından nav insan,
Yüz derece hayvandan
Taga tömende qalgan...
Em bîr basqa aqıyqat,
Ehl-i dalalet, gaplettiñ
Hayatıman barabar
Atta barı barlıgı,
Tagı em käinatı,
İşindeki kün bolgan!
Barı ötken zamanlar,
Em käinatlar sonıñ
Dalaleti noqtasından,
Yoq bolıyagına inanganga
Ölü ökminde bolgan...
Em de aqıl bavıman,
Soga barı qaranlıq
Aller berip hayatını,
Qarangıda taslagan...
Keliyek zamanlar tagı
İtikadı bolmaganga,
Sosı em yoq bolgan...
Demek yoqluq pikrinden
Tuvgan dahşetli alminen,
Barı süygenlerinden
Ebedi ayrı qalgan.
Sosı adem är dayim,
Nav oyları sebebimen,
Hayatınıñär yagını,
Qarangıman tolturgan...
İman bolsa ademde,
Qaydey yahşı aller bolgan;
Keliyek yuma aytuvdı,
İqram qılsın inşallah,
Rabb’ımız Haq Quday
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com