Nogayşa 188: Maneli bȋr sorav (3)

Bu yuma em “MANELİ BȊR SORAV” baresinde söz bardıramız...

Nogayşa 188: Maneli bȋr sorav (3)

Nogayşa 188: Maneli bȋr sorav (3)

►Nogayşa 188: Maneli bȋr sorav (3)

 

Bîr üyken alimdiñ   

Süygü degen nimettiñ 

Aqıyqatı baresinde,

Maneli bîr soravga 

Bergen yavablarınıñ

Davamını aytamız:

   

“Em yaşav yoldasın 

Qısqayaqlı bikendi, 

İlahi rahmettiñ

Yanga yuvıq, yarasıq 

Bîr ediyası körüp,   

Sosı betimen süyüp,

Muhabbetindi körset!

 

Tez oq hamen bızılgan 

Tıs gözelligine,

Sen süygindi baylama!

 

Haqıyqatqa qarasan,  

Qatınlardıñ en süygüli,  

Özine tartatagan,

Eñ tätli gözelligi,   

Eñ yarasıq, yahşı ali,     

Nezaketi qasında,  

İş gözelligi bolgan...

 

Em eñ qıymatlı, eñ şirin, 

Basqa bîr gözelligi,     

Biyik, ciddi, em alal,

Nurlu şepqati bolgan. 

 

Nav şepqatiniñ gözelligi, 

Tagı yahşı tabiyatı,

Ömrünüñ soñungaşe,       

Äş azalmay davam qılgan...

Em ketkensaytın artqan...  

 

Em sosı köp arıq,    

Bîr yaqtan yarasıq  

So qatındıñ örmet haqqı,     

Anca sosı süygimen

Saqlanıp davam qılgan...

 

Yoksa suvret gözelligi,

Bîr kün yoq bolup ketse,

Eñ muqtaj bîr vaqıtta,

Qartlıqqa ayaq basqanda,   

Sosı beşare qatın,

Haqqı bolgan örmetti,    

Qolından şıgarıp yoytar...

 

Em enbiya, evliyadı, 

Cenab-ı Haq’tıñ maqbıl

Qulları bolgan yagıman,

Sen süygen bolsan eger,

Sosı süygü tagı em,

Cenab-ı Haq’tıñ namına, 

Onuñ hesabına bolgan...

 

Nav qaravış betimen,

Peygambarga, evliyaga, 

Bîr insandıñ süygüsi,

Allah atına bolgan...   

 

Em hayatAllah’tıñ   

Barı insanga em saga      

Bergeni en qıymatlı,

Tagı baqıy yaşavdı, 

İnsanga qazandırgan,  

Qazna, sermaya bilsen,

Är dayim oñınlıqtıñ

Alatları işinde, 

Qazna bolganı betten

Nav yaşavındı süygenin,

Tagı qorşalaganın,

Em Quday’dıñ qızmatında,  

Yani tagatta tutqanın,

Ene sosı süygin senin,   

Nav yagıman qaytadan,

Ma’bud Allah’qa bolgan...

 

Em yaslıq şagındaqı  

Tatlilik em tetimlikti,  

Tagı gözelligini,

Quday Haq’tıñ saga  

Bergeni latif, şirin,    

Gözel nimeti bilip,

Nav qaravış yagından  

Yaslıqtı hoş körgenin,  

Tagı em süygenin,

Sonı taza bîr yolda, 

Arüv etip qullanganın,  

Ol nimetke şükür bolgan...

Tagı alal, ornında,        

Maqbıl bîr süygi bolgan...

 

Em baharCenab-ı Haq’tıñ  

Nurani esmasınıñ   

Eñ latif, em gözel

Naqışlarınıñ betleri, 

So hikmetli yaratuvşıdıñ    

Antika saniyatınıñ

En süslü, körsetişli,    

Eserleri sergilengen     

Köp üyken bölmesi,

Bolganı yagından   

Oylayberip süygenin,    

Quday’dıñ atlarını,

Yani esma-i hüsnasını,

Önerli sıpatlarını,  

Süygen ornında bolgan...

 

Em dünyadı süygenin,  

Ahiret’tiñ tarlası,  

Em Haq’tıñ esması,

Yani gözel atlarınıñ 

Bıyalasınday bilip 

Em Cenab-ı Haq’tıñ

Bizge yazıp yibergeni

Mektup, namesi bilsen;

 

Nav haqıyqatlar qasında,  

Tagı sosı dünyadı, 

Muvaqqat bîr qonaq

Betinden em süygenin,     

Nefs-i emmare qarışpasa,

Sosı süygin tagı senin,      

Allah’qa süygi bolgan...

 

İştiñ özi endi sen,   

Nav dünya em işindeki  

Tolı maqluqlarını,

Özleri betten tuvıl,    

Allah’qa qaragan  

Betleri yagından süy!

“Neşe gözel yasalgan!” de!  

“Ne qadar gözel!” deme!

 

Qalbindiñ işine,  

Basqa süygilerdiñ kirgenine, 

Tagı äş meydan berme!     

 Nege desen qalptiñ işi,

Samedbolgan Allah’tıñ

Bıyalası bolgan...

Yani sosı qalptiñ işi,      

Yalgız Allah ornı bolgan...

 

Sen em nav duvadı,  

Tilinden äş tüsürmesen,

Saga yahşı qullıq bolgan:

 “Allahümmerzuqna hubbeke,

ve hubbe ma yuqarribuna ileyk!

 Manesimen aytsaq:

Allahım bizdi seniñ  

Süygünmen rızıqlandır! 

Tagı süygenlerine,

Yuvıqlıqpan nimetlerdir!”

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär