Nogayşa 175: Quyuga tüsken adem hikayası (2)
Bu yuma em “QUYUGA TÜSKEN ADEM HİKAYASI” baresinde söz bardıramız!
►Nogayşa 175: Quyuga tüsken adem hikayası (2)
Ötken yuma baslanılgan,
Üyken bîr alimdiñ
Aytqanı bîr hikayemen
Bergen dersi baresinde,
Qalgan kesekti endi,
Aytuvga davam qılamız:
So hiqayada eki qardaş,
Uzun bîr yolga tüsüp
Yolavşı bolgan edi.
Soñda ekige ayrılgan
Bîr yoldan keteberip
Baslarına köp acayip
Neşe isler kelgen edi...
Endi qalgan ornımızdan
Basqalardı aytamız:
“Ene sosı tabiyatı
Yaman bolgan so qardaş,
Är zattı teristen añlap,
Em aqılsız bolganga,
Aqıyqattı añlamagan...
‘Nav isler normal tuvıl,
Bîrer sırlı is bolgan!’
Dep oylayalmagan...
‘Sosı isler baresi,
Özi basına bolalmas,
Bu acayip isler işinde,
Garip sırlar bolsa kerek!’
Dep esleyalmagan...
‘Barı sosı islerdi,
Uygunlagan bîrevdiñ
Bolganını’ bilelmagan...
Nege desek bilgenimiz:
Onşa terislik, barabar,
Art artqa äş bolmagan...
Endi sosı ademdiñ
Qalb, ruh, em aqlı,
Nav qıynaltuvşı alden
Yasırın yasırın baqırıp,
Em qışqırıp yılasa da,
Neps-i emmaresi sonıñ
Sankim tavlike bolmaganday,
Nav körgeni aller barı,
Közi aldında turmaganday,
Ruhtıñ, qalbtiñ yılavına
Qulagını qapatıp,
Öz özini aldatıp,
Sankim bîr baqşada
Bolganını sanaberip,
Terekteki meyvalardı
Üzüp, aşavga baslagan...
Tek sosı yemislerdiñ
Bîr kesegi, zeyirli,
Tagı zararlı eken...
Bîr “Hadis-i Qudsi”de
Cenab-ı Haq dep buyurgan:
‘Ene ıynde zanni abdi biy’
Yani ‘nav qullarım meni,
Qaytibine bilgen bolsa,
So qullarga islerim,
Meni tanıgan kep bolgan!’
Mine sosı bedbaqt adam,
Yaman zan em aqılsızlıqpan,
Körgenini är zaman
Bolatagan bîr zattay,
Äş manesi bolmagan,
Tömenley isler sangan...
Tagı özi aynısıman
Bîr qarşılıqqa ugragan.
Sosı al em dayim bolgan!
Ne öledi em qurtulsun;
Ne de yaşavda bolgan;
Mine süytüp azap tartqan...
Biz de sosı ugursızdı,
Azabında taslayberip
Yahşı qardaşqa qaytamız;
Sosı arüv qardaştıñ
Ali, qaydey añlaymız:
Mine nav mubarek,
Esli adem em yolga bargan...
Amma qardaşınday sosı,
Bîr qıyınlıqqa raspagan...
Nege desek yahşı huylu,
Yarasıq tabiyat bolganga,
Yahşı zatlar oylagan!
Em gözel hulyalarman
Özi özine yoldas bolgan!
Em biraderine usap
Zahmet, qıyınlıq tartpagan...
Nav sebepten kim nizam bilip,
Em düzenlerge uyup,
Barı yeñillik tapqan...
Tınışlıq em amniyetpen
Selbesşe yürüp ketken...
Mine bîr baqşaga,
Ras kelgende özi,
So baqşadaqı gözel
Şeşekey, meyvalardı körgen...
Tek qaravsız qalganga,
Sosı baqşada basqa
Yaban zatlar em ösken...
Qardaşı em sosı yerdey
Bîr baqşaga kirgen eken...
Tek ol, murdar zatlarga
Qarap, em ugraşıp,
Midesini bulgatıp,
Tagı äş tınşaymay
Turup, şıgıp, ketken eken...
Nav arüv qardaş bolsa,
‘Är zattıñ arüvine qara!’
Oyımınan qullıq etip,
Mırdar zatqa qaramay
Arüvinden paydalangan!
Em arüv etip tıñşayıp
So baqşadan ötip ketken...
Artından so avvelki
Biraderindey aynı,
Üyken bîr şölge kirgen...
Bîrden bîrge hücum etken
Aslan davisi esitken!
Ol tagı em qorqqan;
Tek qardaşınday qorqpagan...
Nege desek arüv oyman
Dayim yahşı eslegenge,
Öz özine dep oylagan...”
Oylaganı ne bolganın,
Tagı basqa qalganlardı,
Keliyek yuma Quday’ımız,
Aytqandı bizlerge,
Nasip qılsın inşallah!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com