Nogayşa 125: Saqlavşı Hafiz Allah (1)
Bu yuma “SAQLAVŞI HAFİZ ALLAH” baresinde habarlasamız!
Allah’tı tanımaga
Miñler yaqşı atı bolgan...
So atlardan bîrevi,
“Hafiz” degen at bolgan...
Hafizdegendiñ manesi:
Allah’tıñär bîr zattı,
Saqlavşılıgı bolgan.
Körgenimiz nav alemde,
Rab’tıñ Hafiz atını
Tap manemen tanımaga
Miñler misaller bolgan...
Kuday’dıñär bîr zattı
Saqlaganın dünyada
Neşe körimligi bolgan...
Kuday’ımız Rab Allah’tıñ
Sosı saqlav tögeregi,
Är zatlarga sozulgan...
Atta ademdiñ etkeni,
Arüv bolsun, yaman bolsun;
Neşe qullıgı bolsa
Onlardı em saqlagan...
Mine nav aqıyqatqa,
Kur’an’daqı bîr ayetpen
Allah işaret etken...
Sosı ayettiñ manesi:
“Är kim zarre avırlıqta
Bîr qayır etken bolsa,
Sonıñ qarşılıgın körgen...
Är kim zarre şer islese,
Ol em qarşılıgın körgen...”
Kur’an’daqı nav manege,
Eger delil tilesen,
Hak’tıñ soñsız küşimen
Yazgan üyken kitabı
Nav käinatqa qarasan,
Saqlavdıñ azamatlı,
Neşe tecellisini,
So ayette aytılgan
Aqıyqatqa oqşagan
Bîr neşe misaldi,
Esleyalsan köriyeksin...
Endi tömende aytılgan
Misaldi, qoldan kelip
Eger sen etalsan;
Kuday’dıñ ne darece
Saqlavşı bolganını
Taga yahşı biliyeksin:
Terek şeşek ölenlerdiñ
Türlü şeşit togımından
Bîr uvıs qolga alsan;
Bîrbîrine äş oqşamas
Sosı ayrı ösimliktiñ
Bîrer kişkey qabı bolgan
So şekirdek, tugımlardı,
Kişkenekey sandıqlardı,
Uvısınman qarangıda,
Äş qıymatı bolmagan
Yansız, oysız topraqqa,
Serpip üstlerini yapsan!
Soñda ölşemsiz bolup,
Äş bîr zattı tanımagan;
Qayerge betin bursan
Sosı yaqqa agıp ketken
Qıymatsız bîr suvmınan
So tugımlardı sulasan...
Artından da är sane
Tirilgendiñ bîr meydanı
Bahar vaqtında kelip
Sosınlarga qarasan!
“Sur” degen boruga
Üpürüyek üyken malek
Hazret-i İsrafil’dey
Kök kürletkenmalektiñ,
Aynı surga üpürgendey
Yamgurga baqıraberip
Yer astına kömilgen
Sosı barı şekirdekke,
Ruhlarını üpürgende
Yanlanganları vaqıt
Arüv etip qarasan;
Sosı neşe darece
Bîrbîrine qarısqan,
Em bîrbîrine usagan
Nav togımşıqlar baresi,
Rabb’ımızdıñ saqlavşı
Atı bolgan Hafiz’dıñ
Tecellisi astında,
Noqsansız em yañlışsız,
Äş bîrevi mıtılmay
Hikmetli yaratuvşıdan
Kelgen “tiril!” emrine
Tap manemen uyarlar...
Emirge itaat etip
Areketlenip sonlar,
Är bîrevi yanlanıp
Baresi de topraqtan
Baslarını şıgarırlar;
Ene sosı mucizede
Bilip körip is etken;
Bîr maqsattı tilegen,
Bilimli tagı ong
Bîr hikmettiñ parlaganı
Barı közge köringen…
Mine nav mucizemen
Är bîr zattısaqlavşı
Küşli yaratuvşıdıñ
Äş bîr zattı yoytpay
Äş bîrevini em mıtpay
Baresini qaytadan
Tiriltkeni äşkere
Barı eske köringen...
Allah bizge nasip qılsa
Qalganlardı aytpaga,
Keliyek yuma tagı em
Davam qılıyaq inşallah!
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com