Nogayça 115: Hazret-i Paygambar’dıñ (as) bereket mucizeleri (3)
Bu yuma “HAZRET-İ PAYGAMBAR’DIÑ (as) BEREKET MUCİZELERİ” ne davam qılamız...
Bereket mucizelerinden
Bîrevi de nav bolgan:
Tuvralıqpan abıraylı
Hadis kitaplarında,
Nav mucize yazılgan...
Meşur Endek sogısında,
Hazreti Cabir Ensari,
Yemin etip navdı aytqan:
Sosı sogıs küninde,
Tört uvıs arpa undan
Pisirilgen az ötpekten,
Em de bîr yasındaqı
Soyılgan bîr eşkiden
Miñ adem aşadılar.
Baresi aşagan soñ
Pisken as äş azalmay
Yenilmegendey qalgan!
Hz. Cabir aytqanına
Nav kepte davam qılgan:
O gün as üyümizde,
Pisirilip azirlendi.
Miñ adem so ötpekten,
Em sosı eşkiden,
Aşap toyup ketken edi.
Tek, qazanımız em
İşi aspan tolı bolup
Qaynay qaynay qalgan edi...
Tört uvuslıq so undan
Äş turmay, ötpekler
Pisirilip yengen edi...
Nege desek so asqa,
Paygambaraleyhisselam,
Mübarek avız suvını,
Qosup bereket üşün
Soga dua qılgan edi!
Mine nav mucizedi,
Qasındaqı miñ kisidi,
Cabir şayit körsetip
Allahrazı bolsun ondan
Bizlerge qabar berdi.
Bîr altınşı misal em,
Paygambar(as) sözlerini,
Bizge aytqan kitaplardıñ,
Tuvrasına qabar bergeni,
Hazreti Cabir Ensari’diñ
Basqa bîr rivayeti,
Mine nav Hadis bolgan:
“Bîr adem Paygambar’dan (as)
Ayaline as tiledi.
Ol tagı so ademge,
Yarım yük arpa berdi.
Hıylı vaqıt sosı adem,
Ayali em qonaqlarman
So arpadan yasalgan
Ötpeklerden yedi...
Qaraptursalar arpa,
Tavsilmey turadı!
Neşe noqsan qalgan eken,
Dep soñda ölşedi.
Tek, ölşegen vaqıt,
Bereketi qaşqan üşün
Hıylı vaqıt yegenleri
Arpa tavsilgen edi!
Ol adem Paygambar’ga (as)
Kelip bolgandı ayttı.
Paygambar(as) da
Navı sözini ayttı:
“Neşe qalgan eken dep
Ölşemegey ediniz,
Yaşavınız boyunşa
Sizge dayim yeter edi.”
Gene tuvra nakilmen
Aytılgan bîr Hadis’te,
Paygambar’dıñ (as) qızmetşisi
Hazret-i Enes’tiñ
Ämmisi bolgan Talha,
Allah razı bolsun ondan,
Körgeni bîr mucizedi,
Nav kepte nakil qılgan:
Rasül-i Ekrem Muhammed,
Aleyhisselatü vesselam,
Enes’tiñ qoltugı
Astında akelgeni
Az bîr arpa ötpekten,
Yetmis seksan adamga,
Toq bolganşa yedirdi:
“Sosı az ötpekti,
Kesek kesek etiniz!”
Dep onlarga buyurdı.
Soñda ötpekler üşün
Bereketke dua etti.
Üy tar bolgan üşün,
Onar onar keldiler;
Sosı yetmis seksan adam,
Toygaşa em yediler!
Bereket baresinde
Sekişinşi bîr misal:
Tirmizi, Nesayi,
Em Beyhakiy degen
Meşhur hadis alimleri,
Em Şifay-ı Şerif
Degen tuvra kitaplar,
Nav mucizedi aytqan:
Sahabeden Cündüp ulı
Hazreti Semüre
So mucizedi qabar bergen:
Rasülaleyhisselam’ga,
Bîr şanaq et kelgen.
Erteden ta aqsamgaşe,
Bölük bölük ademler,
Keleberip so etten
Baresi de yegenler!
Ene sosı mucize,
Yalgız Semüre betten
Bîr rivayet bolmagan!
Nege desek burungıda
Aytılgan kebimen,
Belki Mübarek Semure,
Sosı astan aşagan
Barı halqtıñ atına,
Sosı yegen zatlardıñ
Şayitligi astında,
Nav mucizedi qabar bergen...
Nav barede aytılgan
Qalgan bazı mucizedi,
Basqa yumalarda Allah
Aytuvdı bizlerge,
Nasip qılsın inşallah...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com