Nogayça 81: Bır Paygambar mucizesi, quru direk yılagan (1)
Bu yuma “BIR PAYGAMBAR MUCİZESİ, QURU DİREK YILAGAN” baresinde söz bardıramız...
Paygambar meşitinde,
Hurma tereginden direk
Em de qurugan edi.
Paygambar aleyhisselam,
Hutbe oqıgan vaqıt,
Soga tayanatan edi.
Soñda sahabe zatlar,
Paygambar (as), hutbesini,
Üstünde oqısın dep
Minber yasagan edi.
Paygambar(as) hutbe üşün
So minberge şıqqanda,
Ol vaqıt hayret bergen
Bîr is meydanga keldi!
Hazret-i Paygambar’dıng (as)
Burungıda tayanganı
Quru hurma diregi,
Aynı bîr tüyedey
İñleyberip yıladı.
Em direktiñ yılaganın
Barı yamagat tıñladı.
Soñda Paygambar(as)
Direk qasına kelip
Qolını so yılagan
Direk üstüne salıp
Oga teselli berdi!
Paygambar(as) söylegen soñ
Quru direk tagı em
Yılaganın tasladı!..
Ene sosı mucize,
Paygambar’dıñ (as) bîr neşe,
Üyken mucizesinden
Abıraylısı bolup
Bek köp sahabe betten,
Berkitilip bizgeşe,
Em äş avıspay keldi...
Sahabedey tuvra sözli,
Em tuvralıqpan abıraylı
Mübarek bîr yamagat,
Bîr zattı qabar berse,
Sonıñ tuvralıgında
Äş bîr şüphe bolmaydı...
Sahabedey yamagattıñ
Bergen qabarına tagı,
Tup tuvra bolgan üşün,
Din ilminde mütevatir,
Degen bîr at beriledi.
Ene navı mucize,
Mütevatir bolaberip
Ta bizgeşe em keldi...
Munavı mucizedi,
Abırayından üşün
Köp müsliman biledi...
Sahabediñ üykenleri,
Eñ meşhur alimleri
On bes yolman aytaberip
Özlerinden soñda kelgen,
Tabiin dep bilingen
Mübarek ademlerge,
Äş avıspay bildiredi...
Tabiin’diñ tagı em
Yüzlerşe alimleri,
Arttan kelgen insanlarga,
Tap akiki mütevatir
Bolgan sosı mucizedi,
Barege bildiredi...
Soñda “Buhari em Müslim”
Degen köp abıraylı
Sıylı hadis alimleri
Em, basqa tanıngan
Tuvra Hadis kitapları,
Paygambar’dıñ (as) sözlerini,
Anane degen yolman
Hadislerdiñ ta bastan
Kelgen yollarını aytıp
Aytqanlardıñ atlarını,
Är bîrevini bîr bîr yazıp
Arttaqı zamanlarga,
Sosı mütevatir mucizedi,
Ta bizgeşe yetkeredi...
Endi onbes rivayetten,
Bazısını aytqan bolsaq;
Navı namlı mucizedi,
Qabar bergen bîrevi,
Ansar degenSahabe’den
-Razı bolsun Allahondan-
Hazreti Cabir bolgan...
Mine aytqan rivayeti:
“Ekrem Rasul Muhammed,
-Bolsun oga selam salat -
Hutbe oqıgan vaqıt,
“Ciz’ın-nahl” dep aytılgan
Quru direkke tayanıp
Hutbesini oqur edi.
Minberi yasalgan soñ
So minberge ötkende,
Quru direk dayanamay
Avır ayaq tüyedey
İñilep tavıs berip
Yılamaga basladı!..”
Paygambar Muhammed’diñ (as)
Qızmetşisi Enestagı,
-Bolsun ondan Allah razı-
So direktiñ yılaganı
Baresinde bizlerge,
Nav hadisti em aytadı:
“Sosı qurugan direk,
Aynı camızday yıladı!
Atta yılagan tavisten
Meşit senkildep titredi!”
So barede aytılgan
Basqa hadislerdi tagı
İnşallah keliyek yuma
Quday bizge nasip qılsa
Aytabersek qalganını...
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com