Nogayça 78: Allah yaratqan tabiat tuvıl! (1)
Bu yuma “ALLAH YARATQAN TABİAT TUVIL!” baresinde söz bardıramız...
Bazı adem avzından
İnkär iyisli şıqqan
Dahşetli sözler bolgan...
Tagı Allah’qa inangan
Bazı mü’min ademler de
Bilmey sonı qullangan!
Nav sözlerden bîrevi:
Bîr zattıñ bar bolganı,
Tabiatında bolgan...
O zat zaten eñ soñında,
Sosı kepte bolıyaq edi!
Onıñ sonday bolganı,
Tabiatından kelgen...
Sosı höküm oylansa,
Aslı sonıñ yañlış bolgan,
Eske uyar yañı bolmas
Neşe qıyınlıqpan tolgan...
Nege desek er zattı,
Hale yañı yaratılıp
Barlıqqa şıqqan zattı;
Är bîr zattı köreberip,
Hikmetimen is etken
Yasavşı bîreviniñ
Anca etalıyagı
Bar bolgan so zattı;
Ezeli Rab Allah’tıñ
Qadermen ölşem berip
Qudretimen yaratqanı,
İnanılmay inkär bolsa;
Bîr de üstüne üstlük;
Yanı yoq em kör, sañır,
Eslegeni bolmagan
Tabiyatqa, quvvatqa
Tayanganı oylansa;
Ol zaman so tabiat,
Bîr zattı yasav üşün
Aldın o zat işine;
Ya sansız manevi,
Közbinen körilmegen
Sosı zattı yasıyaq
Neşe makine salsın;
Yaratılgan so zatta
Neşe müşe bar bolsa
Äş bîrevini em mıtpay
So makineler yasasın...
Yade sosı tabiat,
Maqluqlardıñ işine,
Barı käinattı idare
Etiyek bîr qudretti,
Tagı hikmetti salsın...
So barede bîr misalmen;
Mane taga anlaşılgan:
Nav kündiñ yerge vurgan
Savlesimen aqsi bar,
Közlerimizge körilgen
Bürtököy siselerde,
Em sulardıñ tamlasında,
Kişkenekey künler bar...
Bizge yaltırap turgan,
Körülgen so künlerdi,
“Kökteki asıl künden
Kelmegen!” dep aytsaq,
Sernik bası sıymagan
Kişkey sise keseginde,
Barı qasiyetimen;
Tıstan kişkey köringen,
Tek, işten köp teren
Üşünley bîr kündiñ
Bar bolganın aytuv kerek!
Neşe sonday yaltırap
Parlap turgan ne bolsa,
“Är bîrevinde tagı em
Ayrı, üşünley bir kün
Bar” dep inanmaq kerek...
So misalde bolganday
Yaratılgan är zattı,
Azeli bîr Rab Allah,
Neşe öner, qasiyetpen,
Yasagan dep inanmasaq,
Böten de yan tasıgan
Barı mahluq işinde,
Soñsız bîr küşpinen
Töreli em bilimli,
Eske uyar is körgen
Bîr tabiyattıñ, quvvattıñ
Sosı mahluq işinde,
Quday’ga tegis bolgan
Bîr yasavşıdıñ bolganına
Zorman inanmaq kerek...
Demek soñda anlaşılgan;
Haq Allah’tıñ yasavını,
Atı bar özi yoq,
Ne bolganı belgisiz
Tabiat degen zat,
Yarattı dep aytsaq;
Esi basda er kimdiñ
İnanması qıyın bolgan...
Sosı kepte bîr pikir,
Yogardaqı misaldey
Äş eske uymay turup
Sav dünyada bolmıyaq
Barı yañlış oy bolgan...
Nasip bolsa keliyek yuma,
Nav barede qalgandı,
Aytqayıdık dep tileymiz
Hak Rabb’imiz Allah’tan!
Savlıqpan qalıñız
Dr. Yusuf ALTINIŞIK
E-mail: altinisikyusuf@gmail.com