2 meñ yıllıq räsem tabılğan

İtaliyadä 79nçı yılda Vezuviy yanartawınıñ kinät kenä şartlawı belän lava häm vulkanik köllär astında qalğan borınğı şähär Pompeida diwar raseme tabılğan.

YUNESKOnıñ Bötendön’ya mirası isemlegenä kertelgän Pompeidağı qazularnı alıp barğan Pompei arxeologiya parkı arxeologları tösläre äz zıyan kürgän räsem tapqan.

Arxeologlar yaqınça 2 meñ yıllıq räsemdä grek mifologiyasendäge igezäk bertuğannar Friks häm Gellanıñ xikäyäseneñ taswirlanuın belderde.

Grek mifologiyasenä kürä ügi änilärennän qaçarğa telägän Friks häm Gellağa altın yonlı täkä cibärelä.

Täkägä menep qaçqan igezäklär Çanakkalä buğazı yanına kilep citä. Şul waqıtta Gella täkädän töşep, suda batıp ülä.