Törek serialları törek tele belän qızıqsınunı arttıra

Venesuêlada yäşäwçe yäş’lär törek serialları häm Törkiyä-Venesuêla mönäsäbätläreneñ üsüe belän törek tele belän kübräk qızıqsına başlağan.

Yunıs Ämrä isemendäge institutınıñ Venesuêla başqalası Karakasta uzğan yılnı êşçänlek kürsätä başlağan mädäniyät üzägendä açılğan onlayn törek tele kurslarına bıyıl 180 keşe yazılğan.

Kurska yazıluçılardan Yoxari Olivares Yunıs Ämrä isemendäge institutta törek telen öyränä başlawın äytte.

Törkiyägä ber dä kilmäwen beldergän Olivares tübändägeçä däwam itte: “Törkiyägä kilgänem bulmadı läkin törek serialların bik yaratam. Törekçä belän qızıqsına idem, bu telne öyränü oşıy miña.”

Argelia Velaskez ta seriallarnı oşatqanı öçen törekçäne öyränä başlawın açıqladı.

Velaskes: “Törek serialların äniyemneñ apası qarıy ide, min dä bik oşattım. Yunıs Ämrä isemendäge institutnıñ kursın kürep alğaç başlarğa telädem,” – dide.

Karlos Kapiello da bolay dip citkerde: “Törek mädäniyäte häm törek serialları iğtibarımnı cälep itä. “Diriliş Ärtuğrul”nı qaradım.”