Uzğan yıl Muğlağa 3 millionnan artıq çit il turistı kilde

Törkiyäneñ populyar turizm üzäkläreneñ berse bulğan Muğla uzğan yıl 3 millionnan artıq çit il turistın qabul itte.

Tabiği maturlıqları häm borınğı şähärläre belän tanılğan Muğlağa cirle häm çit il turistları küpläp kilä.

Gubernator İdris Akbıyk şähärneñ dön’ya turizmında brendqa äylänüen häm kilüçelär sanınıñ yıldan - yıl artuın äytte.

”2023 nçe yılda şähärgä kilüçe turistlar sanı 3 million 395 meñ 947gä citte. Alarnıñ yaqınça 1,5 millionı Angliyädän”,- dide Muğla gubernatorı.

Akbıyık äytüençä, uzğan yıl şähär cirle turistlar belän bergä 10 milion keşene qunaq itkän.

2023 nçe yılda Muğlağa iñ küp turist Angliyädän kilgän bulsa, Rusiya, Germaniya, Pol’şa, Niderlandtan kilüçelär dä şaqtıy bulğan.