Törki dönya kino menedjerları berlege tözelde

Taşkentta TÜRKSOY Xalıqara törki mädäniyät oyışması oyıştırğan cıyılışta Törkiyä, Azärbaycan, Qazaqstan, Qırğızstan, Üzbäkstan häm TÜRKSOY räsmiläre qatnaştı.

Cıyılışta törki kino industriyäseneñ bäyläneşle taraflarının ixtıyac toya alaçaq mäs’älälärdä yärdäm täêmin itü, törki dönyanıñ bay mädäni mirasın çağıldırğan häm törki xalıqlarnıñ berlege belän qardäşlegen nığıtqan fil’mnarnıñ töşerelüen täşviq itü, kino ölkäsendäge xäzerge mäğ’lümat, berekmäs häm täcribä belän ike yaqlı urtaqlaşunıñ täêmin itelüe häm şuşı räweşle törki dönyada sośial, mädäni häm iq’tisadi üseşkä öleş kertü maqsatınnan çığıp TÜRKFİLM Törki dönya kino menedjerları berlegeneñ tözelüenä qağılışlı yaxşı niyät bäyannämsenä qul quyıldı.

Qatnaşuçılar TÜRKFİLMnıñ 1nçe Ğomum şura cıyılışına äzerlek êşçänlegeneñ alıp barıluı häm taraflar arasında koordinaśiyäneñ urnaştırıluı mäs’äläsendä bertawıştan Üzbäkstan mädäniyät ministrlığı qarşındağı Kino agentlığı başlığı Firdäüs Abduxalikovqa wäqalät birde.

TÜRKSOY Ğomum särqatibe Soltan Raev cıyılışqa cibärgän yullamasında tözelüe uñayınnan TÜRKFİLMnı qotladı häm êşçänlegendä uñışlar teläde.

Raev TÜRKFİLMnıñ äğ’za illär arasında kino ölkäsendä ike yaqlı xezmättäşlekneñ tağın da üseş aluına öleş kertäçägen häm bay törki mädäniyätneñ tağın da kiñräk auditoriyägä citkerelüenä bulışlıq itäçägen iskärtep uzdı.