“Aybükä; uqıtuçı buldım min!” fil’mınıñ prem’yerası uzdı

Batmannıñ Kozluk rayonında 2017 yılda terrorçılar höcümendä şähit bulğan 22 yäş’lek uqıtuçı Şänay Aybükä Yalçınnıñ tormışın häm uqıtu telägen añlatuçı “Aybükä; uqıtuçı buldım min!” isemle fil’mnıñ prem’yerasında Törkiyä ilbaşı Räcäp Tayyip Ärdoğan häm xäläl cefete Äminä Ärdoğan da qatnaştı.

Törkiyä teleradiokompaniyase TRT urtaq proyektı bularaq töşerelgän häm bügen 24 noyabr’ Uqıtuçılar könendä kürsäteläçak fil’mnıñ prem’yerası kiçä başqala Änkaradağı Bäştäpä Milli kongress häm mädäniyät üzägendä oyıştırıldı.

Törkiyä ilbaşı fil’mnı xäläl cefete Äminä Ärdoğan, şahit uqıtuçı Aybükä Yalçınnıñ änise Zähra, ätise Sadıq, bertuğanı Aybars Yalçın häm fil’m aktyerları belän bergä qaradı.

Fil’m betkäç xäläl cefete belän säxnägä çıqqan ilbaşı Ärdoğanğa şähit uqıtuçınıñ ğailäse qızları Aybükä uynağan saznı büläk itte.

TRT ğomüm mödire Mäxmät Zahid Sobacı da Äminä Ärdoğanğa Aybükä Yalçınnıñ qızıl yawlığın tapşırdı.

Fil’mnıñ rejissyerı – Murat Onbul. Sśenaristlar – Uğur Kılıç häm Ozan Bodur.