Yäşeren bülmä xalıqqa açılaçaq

Renessans çorınıñ italiyan sänğat’çelärennän bulğan Mikelandjelo Buonarrotineñ Florenŝiya şähärendäge yäşweren bülmäse xalıqqa açılaçaq.

İtaliyan matbuğatındağı xäbärlärgä kürä tanılğan rässam, skul’ptor häm miğmar bulğan Mikelandjelonıñ Florenŝiyadäge Kapella Mediçida 48 yıl êlek tabılğan yäşeren bülmäse xalıqqa açılu öçen äzerlänä.

Älege bülmä diwarlarında Mikelandjelonıñ karandaş belän yasalğan qayber räsemnäre urın ala.

Bülmä 15 noyabr’-30 mart könnärendä açıq bulaçaq.

Bülmägä ber ük waqıtta 4 keşe genä kerä alaçaq häm atnasına 100 keşe genä qabul iteläçäk. Bülmäne 15 minuttan artıq qarap bulmayaçaq.

1475-1564 yıllarda yäşägän Mikelandjelonıñ ul waqıttağı Papa VII Kelemntnıñ yarsuınnan qaçu öçen bu bülmäne yasatuı häm berwaqıt biredä toruı äytelä.

Yäşeren bülmä 1975 yılda yasalğan restavraŝiyadan soñ çistartu êşläre waqıtında tabılğan häm waqıtı belän xalıqqa açılğan ide.