Törkiyäneñ cıyılma futbol komandası Vinçenśo Montellağa tapşırıldı

Törkiyäneñ cıyılma futbol komandasında Vinçenśo Montella çorı räsmi räweştä başlandı. İtal’yan trener 3 yıllıq kileşü imzaladı. Ul cıyılma komandadan kitkän Ştefan Kunś urınına baş trener bularaq wazıyfa başqaraçaq.

Kileşü imzalaw tantanasında Törkiyä futbol federaśiyäse başlığı Mäxmät Büyükäkşi çığış yasap bolay dide: “Montella moña qadär “Adana Demirspor”nıñ baş trenerı bularaq uñışlı êş başqardı. Trener bularaq ta, futbol qırı tışındağı üz-üzen totışı belän dä xörmät qazandı. Xäzer şundıy uq totrıqlılıqnı cıyılma komandabızda da kürsätüen kötäbez”.

Vinçenśo Montella isä üzenä yasalğan täq’dimne uylap ta tormıyça qabul itüen äytte. “Futbol qırında Törkiyä öçen iñ yaxşısın çağıldırırğa tırışaçaqbız,”-dide ul.