TRT “12 Punto” çarasın oyıştıra

TRT Türkiyä teleradiokompaniyase tarafınnan 5nçese oyıştırılğan sŝenariy yazu häm urtaq xezmättäşlek platforması “12 Punto” 16-23 iyul’ könnärendä kino yaratuçılar belän oçraşaçaq.

Çara 22 ildän rejissyorlar, sŝenaristlar häm kino industriyase professionalları qatnaşında uzaçaq.

Çarada qatnaşaçaq illär arasında Franŝiya, Germaniya, Bosniya-Gerŝegovina, Qatar, İtaliya, İspaniya, Şveyŝariya, Şveŝiya, Niderland, Çernogoriya (Montenegro-Qarataw), Rumıniya, Çexiya, Xorvatiya, Sloveniya, Serbiya, Pol’şa, Êstoniya, İran, Kanada, Amerika Quşma Ştatları, Braziliya häm Türkiyä bar.

“12 Punto” qısalarında Oskar büläge iyäse bulğan rejissyor häm sŝenaristlar, dönyadağı kino industriyaseneñ iñ möhim oyışma citäkçeläre alıp barğan master klasslar, panel’lär häm dokladlar İstanbulda Bäşiktaştağı Färiyä kinoteatrında uzaçaq häm barlıq çaralar tüläwsez bulaçaq.

Çaralar şulay uq “12 Punto”nıñ soŝial’ säxifälärdäge akkauntlarında da turıdan-turı kürsäteläçäk.

Ozın metrajlı fil’mnar kategoriyasendä xalıqara jyuri tarafınnan saylanğan 12 proyıktqa 3 TRT büläge bireläçäk.

Çara turında täfsille mäğ'lümatne "www.trt12punto.com" adresınnan tabarğa bula.