Göbäklitäpä - cirle häm çit il turistlarınıñ iñ populyar urını
Biredä Qorban bäyräme yallarında da keşe küp ide
Dön’yada xäzergä çaqlı belengän iñ borınğı tarixi qorılmalar tabılğan Şanlıurfadağı Göbäklitäpä - soñğı yıllarda cirle häm çit il turistlarınıñ iñ populyar urını.
12 meñ yıllıq ütkäne belän “tarixnıñ başlangıç noqtası” dip qabul itelgän Göbäklitäpä 2018 nçe yılda BMOnıñ mäğarif, fän häm mädäniyät oyışması YUNESKOnıñ Bötendön’ya mirası isemlegenä kertelde.
YUNESKOnıñ bu qararı belän tağın da tanılğan Göbäklitäpägä soñğı 5 yılda 2 million 153 meñ 855 keşe kilde.
2022 nçe yılda biredä 850 meñ keşe bulıp kitte.
Tarixnıñ başlangıç noqtasında Qorban bäyräme yallarında da keşe küp ide.
İslam xezmättäşlek oyışması tarafınnan Şanlıurfanıñ “İslam dön’yasınıñ 2023 turizm başqalası” itep saylanuı belän Göbäklitäpägä kilüçelär sanı tağın artır dip kötelä.
Göbäklitäpä arxeologik mäydanı 1963 nçe yılda ütkärelgän öslek tikşerenüe waqıtında tabıla.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı