Türkiyä çit illärdä hönäri häm texnik urta mäktäplärne aça

Төркия чит илләрдә һөнәри һәм тexник уртa мәктәпләрнe aчa

Türkiyä “hönäri belem” täcribäsen başqa illärdä açaçaq liśeylar (лицейлар) aşa urtaqlaşaçaq.

Türkiyä mäğarif waqıfı başlığı professor doktor Birol Aqgün küp sanlı soraw-taläplärne qänäğätländerep, çit illärdä hönäri häm texnik belem qısalarında liśeylarnı aça başlawların belderde.

Bigräk tä Afrika illärennän hönäri liśey beleme öçen bik zur soraw-taläpneñ buluın belderüçe Aqgün Türkiyä belän küp yaqlı iq’tisadi, xärbi, säyäsi mönäsäbätlärgä dä bulışu maqsatı belän töbäk xalqınıñ teläklären ütäwne maqsat itülärenä basım yasadı.

Aqgün bu qısada 2023nçe-2024nçe uqu-uqıtu yılında Nigerdä berençe tapqır hönäri häm texnik belem liśeyın açaçaqların belderde.

Hönäri liśeynıñ ixtıyaclar qısalarında här yıl yaña bülek häm programmalar östälep bayıtılaçağın iskärtep uzuçı Aqgün berençe bülekneñ "êlektromexanika" bulaçağın äytte.

Togo xökümäteneñ soraw-taläbe nigezendä bu ildä dä sport hönäri liśeyın açaçaqların citkerüçe Birol Aqgün Malidä isä turizm häm qunaqxanäçelek hönäri liśeyınıñ açılaçağın belderde.

Aqgün sälamätlek saqlaw hönäri liśeylarınıñ açıluı soralğan Albaniyada, Nigerdä häm Çadta da bu qısada adımnarnıñ yasalaçağın citkerde.

Qayber illärdän dä awıl xucalığı belän bäyle hönäri liśeylarnıñ açıluı soraw-taläbeneñ yasaluın añlatuçı Aqgün Suriyädä dä kiräkle kvalifikaśiyäle êşçe köçen äzerläw öçen êşçänlek başqaruların, Azäzdä häm Çobanbäydä açılğan fän häm texnologiya liśeylarınıñ inde öçençe yıl êşläwen äytte.