Angliyanıñ Luton qalasında Törek mädäniyät festivale

Luton törek mäğarif häm mädäniyät üzäge belän Luton şähär xakimiyäteneñ xezmättäşlege belän şähärneñ iñ zur parkı “Stockwood Park”ında kiñ qatnaşulı tradiśion törek festivale oyıştırıldı.

Bıyıl öçençese oyıştırılğan häm törek wä ğosmanlı mädäniyäten tanıtunı maqsat itep alğan çara qısalarında Türkiyädän kilgän mäxtär taqımı (Ğosmanlı xärbi muzıka törkeme) häm sänğätçelär belän cirle xalıq biyü törkemnäre çığış yasadı.

Törek rizıqları da täq’dim itelgän festival’dä Ğosmanlı çatırları häm balalar öçen uyın parkları qorıldı.

Luton törek mäğarif häm mädäniyät üzäge başlığı Atilla Üstün festival’dä yasağan çığışında cämğıyätlär arasında yaqınayunı, berdämlekne buldıru maqsatınnan çığıp şuşı çaranı oyıştıruların belderde.

Üstün: "Lutonda yänä Türkiyä cilläre iste. Yaña buın belän bergä Angliyada üz mädäniyätebezne yäşätergä häm çit il qunaqlarıbızğa törek mädäniyäten tanıtırğa telibez,” – dip äytte.