Şveyśariyädä törek festivale

Şveyśariyäneñ Śürih şähärendä öçençe tapqır Törek mädäniyäte festivale oyıştırıldı. Çarağa ildä yäşäwçe töreklär zur qızıqsınu kürsätä.

Festival’ne Şveyśariyäneñ Törek diniyä waqıfı oyıştıra. Anıñ berençe könendä Ğosmanlı çorındağı ansambl’ mexteran törkeme çığışı, töreklärneñ tradiśion teatr tamaşası “Xacivat häm Qaragöz”, TRT Bala kanalında iñ yaratılıp qaraluçı mul’tiplikaśion serial “Rafadan Tayfa”nıñ geroyları belän oçraşu häm xalıq uyınnarı buldı.

Festival’gä Türkiyäneñ Śürihtäge konsulı Xäsän Ämrä Uygun da kilde. Ul çarada uzğan yıl 30 meñ keşe qatnaşuın, bıyıl älege sannıñ 40 meñnän artuın belderde.

Festival’ irtägä tögällänäçäk.