Törek aş-suları çit ildä tanıtıldı

Awstriyada Türkiyäneñ Vena ilçelegendä oyıştırılğan çarada küp sanda çit il diplomatı qatnaştı.

Çarada qunaqlarğa Hataynıñ ber-bersennän tämle rizıqları täq’dim itelde, Hataynı tanıtuçı büläklär birelde.

Angliyada da franśuz peşerü mäktäbe “Le Cordon Bleu”neñ London üzägendä çara oyıştırıldı.

Çara waqıtında aş tabınnarı qorıldı, peşekçelär kilüçelär öçen Hatay rizıqlarınnan oruk häm täpsi kebabın äzerläde, törek aş-sularınıñ kul’turasın häm baylığın añlattı.

Paragvayda da Türkiyäneñ Asuncion ilçelege tarafınnan Gastronomiya institutında peşekçelärgä häm kulinariya mäktäbe uquçıları öçen aş peşerü ostaxanäse oyıştırıldı.

Çarada tulı wäqalätle ilçe Särhat Aqsänneñ xäläl cefete Mältäm Aqsän sälamät, totrıqlı häm qaldıqsız yaqları belän tradiśion törek aş-suları turında mäğ’lümat birde.

Kilüçelärgä ayıruça törek çäyı mädäniyäte tanıtıldı.

İlbaşı Räcäp Tayyip Ärdoğannıñ xäläl cefete Äminä Ärdoğannıñ äydäp baruçanlığında Mädäniyät häm turizm ministrlığınıñ yärdäme belän 21nçe-27nçe may könnärendä “Törek aş-suları atnalığı” qotlana.