“TRT Afrika” êşli başlıy

TRTdän yasalğan belderügä kürä, TRT belän Afrika tapşırular berlege (The African Union of Broadcasting) tarafınnan bıyıl berençese oyıştırılaçaq "1nçe näşriyät sammitı" irtägä häm 1nçe aprel’ könnärendä İstanbulda ütkäreläçäk.

Yuğarı däräcäle oçraşuda Afrika tapşırular berlege wäkilläre cıyılaçaq.

İrtägä başlanaçaq sammitnıñ berençe könendä TRT tarafınnan Afrikalı jurnalistlar öyräteläçäk.

Belem birüdä 16 Afrika ilennän 23 jurnalist qatnaşaçaq.

Yuğarı däräcäle oçraşunıñ ikençe könendä isä global’ külämdä kiñäyü planınıñ öleşe bulğan xalıqara teleradiokompaniyalär belän Türkiyäneñ awazın dönyağa citkerüne maqsat itep alğan TRTneñ “TRT World”, “TRT ğaräpçä”, “TRT rusça”, “TRT nemeśça”, “TRT franśuzça” häm “TRT Balkan”nan soñ tözegän sanlı xäbär platforması “TRT Afrika”nı tanıtu bulaçaq.

İlbaşı idaräseneñ êlemtä başlığı Fahrettin Altun, TRT Ğomum mödire Mäxmät Zahid Sobacı häm Afrika tapşırular berlegeneñ yuğarı däräcäle citäkçese Gregoire Ndjakanıñ açış çığışları yasalaçaq çara belän “TRT Afrika” êşli başlayaçaq.

Gambiyadan Marokkoğa, Nigeriyadan Kamerunğa qadär distälägän Afrika ilendä aktiv bulaçaq “TRT Afrika” inglizçä, franśuzça, suaxili häm xausa tellärendä qıytğanıñ çın imidjın böten dönyağa kürsätü missiyası belän êşçänlegen alıp baraçaq.