Törek awılı dön’yanıñ iñ yaxşıları arasında
Birgi awılı miğmari qorılmaları belän här yıl meñnärçä keşene qunaq itä
İzmirneñ Ödemiş rayonına bäyle Birgi mäxälläse İspaniya başqalası Madridta urnaşqan Berläşkän Millätlär Oyışmasınıñ Dön’ya Turizm oyışması açıqlağan “Dön’yanıñ iñ yaxşı awılları 2022” isemlegenä kerde.
Birgi b.ê. qadär 750 yıldan bügengä qadär toraq punkt bularaq qullanılğan häm Aydınoğulları waqıtınnan qalğan miğmari qorılmaları belän här yıl meñnärçä keşene qunaq itä.
Birgida Frig, Lidiya, Pirs, Bergama, Rim häm Vizantiya çorlarınnan da êzlär bar.
Birgidağı yortlarda fil’mnar da töşerälär.
YUNESKOnıñ Waqıtlıça Dön’ya mirası isemlegenä 2012dä kertelgän Birgineñ 2022 öçen äzerlängän isemlektä dä dön’yanıñ iñ yaxşı 32 awılınnan berse bulıp saylanuınıñ awılnıñ ähämiyätenä öleş kertäçäk dip ışanalar.
“Dön’yanıñ iñ yaxşı awılları 2022” büläkläre 27-28 evral’ könnärendä Soğud Ğaräbstanınıñ Al’-Ula şähärendä oyıştırılaçaq tantanada tapşırılaçaq.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı