Keşelärne awlawçı baylar turında dokumental' fil'm êkrannarğa çığa

Sloveniya rejissyerı Miran Jupaniç Bosniya-Gerśegovinada 1992nçe-1995nçe yıllarda bulğan suğışta qayber baylarnıñ “keşe awına” çığu öçen serb ğaskärlärenä aqça birüen añlatuçı “Sarayevo safarisı” dip ataluçı dokumental’ fil’m töşerde. Ul bügen kiç êkrannarğa çığa. Kartinanı kiçä başlanğan häm 13nçe sentyabr’gä qadär däwam itäçäk Xalıqara dokumental’ fil’m festivalendä kürsätälär.

Jupaniç beldergänçä, äsärdä Sarayevo blokadasınıñ çınbarlıqları kürsätelä. Qayber baylar şähär qırındağı Serb cömhüriyäte armiyäse ştablarına kilep “keşe awı”na çığa. Rejissyer proyektnı 3 yıldan artıq alıp baruların söyli. Fil’mnı Sloveniya häm İstanbulda da kürsätergä planlaştıralar.

Serb xärbiläreneñ 1992nçe yılnıñ 5nçe aprelendä başlağan qamawı 1995nçe yılnıñ 14nçe dekabrenä qadär - Dayton solıx kileşüe imzalanğançı däwam itä.

Zamança suğış tarixınıñ iñ ozın qamawı dip qabul itelgän älege prośess waqıtında Sarayevo şähärenä yaqınça 500 meñ bomba töşkän, 11 meñ 541 keşeneñ ğomere özelgän, binalarnıñ 80%tan kübräge zarar kürgän, asqorma tulısınça xaräbä xälenä kilgän.