Törek kähwäse Kön’yaq Koreya menyularında

Kön’yaq Koreyada 2019nçı yıldan birle êşçänlek alıp baruçı Yunus Ämrä institutı törek mädäniyäten tanıtuğa täm östi. “Törek kähwäse Kön’yaq Koreyada” proyektı qısalarında ilneñ kähwä markası çeltäre BeBridge belän berlektä watandaşlarnı älege xuş isle êçemlek belän tanıştıralar.

Proyektnı ğamälgä aşırğançı törek kähwäseneñ üzenä xas tämen êläkterä alu häm döres itep äzerläw öçen BeBridge xezmätkärläre öyränü uzğan. Xäzer ul kafelarda satuğa çıqtı.

Törek kähwäsen BeBridge çeltärendä päxläwä belän bergä täq’dim itälär. Satuğa çıqqan berençe könnän ük ul Kön’yaq Koreya watandaşlarında zur qızıqsınu uyata. Yözlärçä keşe maxsus çara qısalarında êçkän törek kähwäsen foto häm videolarğa töşerep sośial’ mediada urtaqlaştı.

Törek kähwäsen BeBridge kafesı çeltärlärendä tatıp qarağan häm monı sośial’ mediada urtaqlaşqan keşelär arasında konkurs ta uza. Anda Seul-İstanbul säfärenä oçqıç biletı, törek käxwäse çoqırları, büläk kuponnarı otarğa mömkin.