İstanbulğa fevral’dä kilgän turist sanı artqan

İstanbulğa fevral’da kilgän turist sanı uzğan yılnıň şuşı uq çorına qarağanda 173% artqan.

Şähärgä uzğan yılnıň fevral’ ayında 351 meň turist kilgän bulsa, bıyıl şuşı uq ayda 956 meňgä citkän.

Vilayät mädäniyät häm turizm mödirlege mäğ’lümatlärenä kürä, şähärdä bulıp kitkän çit il turist sanı yılnıň 2 ayında 1 million 748 meň 60 bulğan.

İstanbulğa bu fevral’dä 956 meň 482, uzğan yılnıň şuşı uq ayında 350 meň 913 turist kilgän.

Moňa kürä fevral’dä turist sanı 2021nçe yılnıň şuşı uq ayına qarağanda 173%qa artqan.

İstanbulğa kilgän çit il keşeläre arasında ğıynwarda bulğanı kebek fevral’dä dä Rusiyälelär 80 meň 628 keşe belän berençe urında.

Rusiyädän soň 74 meň 56 keşe belän Germaniya, 68 meň 940 belän İran, 43 meň 560 belän Franśiya, 39 meň belän Quveyt, 38 meň 169 belän Angliya, 30 meň 614 belän İzrail, 26 meň 985 belän Ğıyraq, 26 meň 698 belän Ukraina kilä.

Fevral’dä 194 ildän turist kilgän bulsa, Tön’yaq Koreyadan, Vatikannan, Butannan, Könçığış Timordan härbersennän ber keşe säfär qılğan.