“Ürmäküç keşe” komiksı 3 millionnan artıqqa satıldı

“Ürmäküç keşe” komiksınıñ 1984nçe yılğı basmasınıñ ber bite 3 million 36 meñ dollarğa satıldı. Anı AQŞnıñ Texas ştatı Dallas şähärendä uzğan aukśionğa çığaralar.

“Ürmäküç keşe” komiksınıñ 25nçe biteneñ başlanğıç bäyäse 330 meñ dollar bula. Aukśion barışında ul 3 millionnan artıp kitä.

Şul uq könne “Supermen” komiksınıñ êlekkege sannarınnan berse dä 3 million 18 meñ dollarğa satıla.  

İke komiksnıñ da satıp aluçılarınıñ kem ikäne belderelmi.

Moña qadär AQŞta komikslar öçen birelgän rekord bäyä – 657 meñ 250 dollar ide. 1974nçe yılda basılğan “The Incredible Hulk" (İskitkeç Xalk) sanın aukśionda şul bäyägä satalar.