"Altın tup" 7nçe tapqır Messinıqı
Kiçä kiç Parijda futbol dön'yasındağı iñ kürenekle tantanalarnıñ berse uzdı
Bıyıl “Altın tup” bülägeneñ iyäse “Pari Sen-Jermen”nıñ argentinalı yoldızı Lionel’ Messi buldı. Futbolçı älege büläkne 7nçe tapqır ala. 2009dan 2012gä qadär “Altın tup” här yıl Messinıqı buldı. Monnan tış, 2015 häm 2019da da büläkkä ul layıq kürelgän ide.
Yılnıñ iñ yaxşı futbolçısına birelüçe “Altın tup” büläge “France Football” jurnalı tarafınnan 1956nçı yıldan birle tapşırıla. Barı uzğan yıl koronavirus kizüe säbäple bulmıyça qaldı.
Büläkne tapşıru tantanası Franśiya başqalası Parijnıñ Şatle teatrında uzdı. Alıp baruçılar - ber çor Törkiyänen Galatasaray futbol komandasında uynağan Did’ye Drogba häm aktrisa Sêndi Xeribert ide.
34 yäş’lek Messidan soñ “Yılnıñ iñ yaxşı futbolçısı” isemlegendä ikençe urında – “Bayern Münix”tän polyak Robert Levandovski. Öçençedä – “Çelsi”nıñ ital’yan futbolçısı Jorjin’yo.
İñ yaxşı xatın-qız futbolçı bülägen “Barselona”nıñ yarımsaqçısı Aleksiya Putellas aldı.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı