Paulo Koêl’o axırğı kitabın törek sportçısına bağışladı

Dön’yada tanılğan Braziliyä yazuçısı Paulo Koêl’o axırğı kitabın Olimpiya uyınnarı çempionı, törek uqçı Mete Gazozğa bağışladı. Kitap tatarçağa tärcemä itkändä “Uqçı” (The Archer) dip atala.

74 yäş’lek ädip Twitterda video urtaqlaştı. Anda ul axırğı ktabınıñ törekçä basmasın qulına totıp: “Mete Gazoz bu kitapnı berençe bulıp siña bağışlıym. Üzemneñ uqçılıq turında äsäremne sinen şikelle uqçılıq ostasına täq’dim itäm. Şulay itep tormışıbıznı tağın da yaxşıraq añlıy alırbız,”-dide.

İsegezgä töşeräbez: Törkiyäneñ milli uqçısı Mete Gazoz 2020nçe yılğı Tokio Olimpiya uyınnarında altın medal’ yawladı häm tarixi uñışqa ireşte.

Paulo Koêl’onıñ “Uqçı” kitabı 21nçe sentyabr’dä kiştälärgä çıqtı. Romanda Tetsuya isemle uqçınıñ tormışı sürätlänä.

Ädipneñ äsärläre 170 ildä 83 teldä basıldı häm tulayım satu 320 millionnan arttı.