Parij östennän bawğa basıp uzdı

Kanatta yörüçe franśuz Natan Polin Êyfel’ manarasınıñ berençe qatınnan Şayo teatrına qadär suzılğan bawğa basıp 670 metr yörde. Anıñ başqala Parijdağı bu çığışı şaqqattırdı. Şulay itep gimnast Cirneñ tartu köçenä qarşı çıqtı.

Polin cirdän ällä-niçä metr biyeklektä utırdı, baw östenä yattı. Anıñ bu qılanmışların Êyfel’ manarası tiräsenä cıyıluçılar qızıqsınıp küzätte. Şunısı iğ’tibarğa layıq, Polin keçkenä waqıtında biyeklektän qurıqqan.

27 yäş’lek franśuz bu tryuk öçen 4 yıl äzerlänä. Anıñ yulı Êyfel’ manarasınnan 68 metr biyeklektän başlana. Şunnan soñ Polin Sena yılğası östennän uza. Anda biyeklek 30 metr bula. Marşrut Şayo teatrı tübäsendä 56 metr yuğarılıqta tögällänä. Böten yulnı gimnast 30 minutta uza.