Törkiyä Paralimpiya uyınnarında 30 medal' yawladı

Törkiyäneñ Tokio Paralimpiya uyınnarında yawlağan medal’ sanı 7gä citte. Uyınnar tarixı buyınça barlığı 30 medal’ alındı.

Bişençe köndä uqçılıq – qatlawlı cäyä qatnaş komandasında Öznür Gürä häm Bülänt Korkmaz Törkiyägä kömeş medal’ kiterde. Monnan alda östäl tennisında Ali Öztürk, Näsim Turan, Kübra Korkut, dzyudoda Räcäp Çiftçi, Zäynäp Çälik häm ştangada Besra Duman bronza medal’yawladı.

Şulay itep, Törkiyä Yaponiyädä 1 kömeş, 6 bronzağa ireşte. Paralimpiya uyınnarı tarixında ilgä berençe medal’ne 2004nçe yılda atuda Möxärräm Korxan Yamaç kitergän ide.