Ğosmanlı padişahınıñ portretı 40 million sumğa satıldı
Qanuni Soltan Söläyman sürätlängän räsem onlayn aukśionda satıla
1612342
Angliyädä aukśionda Ğosmanlı padişahı Qanuni Soltan Söläymannıñ portretı 350 meñ sterlingka (4 million lira/ 40 million sum) satıldı. Çara onlayn häm telefon aşa uzdı.
Qanuni portretı “İslam dön’yası häm Hindstan sänğat’läre” dip ataluçı häm 183 äsärdän toruçı kollekśiyäneñ êçendä 58nçe äsär bularaq satuğa çığarıldı. Berençe bäyäse 60 meñ sterling (691 meñ lira/6 million 910 meñ sum).
Täq’dim yasalğan sayın räsemneñ bäyäse arta häm axırdan 350 meñ sterlingka satıla. Satıp aluçı şäxes yäisä oyışmadan älegä belderü yasalmadı. Ul salımnar belän bergä 438 meñ sterling (yaqınça 5 million lira/ 50 million sum) tüläyäçäk.
Qanuni Soltan Söläymannıñ qızı Mixriman Soltannıñ 17nçe ğasırda yasalğan portretı isä 60 meñ sterlingqa satıldı.
