Gay Riçi: “Barlıq fil’mnarımnı Törkiyädä töşerergä telim”

Törkiyädä fil’m töşergän rejissyer häm sśenarist Gay Riçi sośial’ mediasında bu ilgä xäyran qaluın: “İke ay töşergännän soñ barlıq fil’mnarımnı monda töşerergä teli başladım,”-dip yazdı.

İngliz aktyerı Djeyson Stêtxam uynıy torğan “Five Eyes” (Biş küz) fil’mın töşerü 21nçe ğıynvarda Antaliyada başlandı. Êkspo mäydanın zur kinoplatformağa äwerelderdelär. Monnan tış, tarixi rayon Kaleiçi häm Cömhüriyätmäydanında da säxnälär töşerelde.

Rejissyer Gay Riçi üzeneñ aktrisa xatını Djeki Êynsli belän İstanbuldağı Ayasofiya mäçetenä häm  Topkapı sarayına barıp qayttı. Ul üzeneñ Törkiyägä xäyran qaluın yäşermi häm bu xaqta bik teläp sośial’ mediada belderä. “Törkiyä ilham çığanağı: tämle rizıqlar, güzäl il, qunaqxanälär häm keşelär” dip yaza Gay Riçi häm monda êşläwen däwam itärgä teläwen äytä.