İñ êlekke monastır' tabıldı

Bahariye oazisında tikşerü alıp baruçı Norvegiyale törkem dön’yanıñ belenüçe iñ êlekke monastıre qaldıqların taptı.

Misırnıñ Antik ministrlığı 3 çirkäw qaldıqları häm monax bülmälärennän toruçı 6 bülemneñ tabıluın açıqladı.

Monastır’ diwarları häm idännärendä borınğı grek xärefläre häm Bibliyadan (İncil) özeklär bar.

Törkem şulay uq metal aqça, keramik häm pıyaladan yasalğan äyberlär belän ber rättän miç häm öställär urın alğan aş-su bülmäläre, garderoplar bulğan zal häm şärab çülmäkläre saqlanğan bazlar da taptı.

Arxeolog Viktor Ghica: "Bu tabıldıqlar xristiyanlıqnıñ berençe çorına qaraşıbıznı üzgärtä. B.ê. soñ 350 yılda törle monastır’ cämğıyät’läre buluın küräbez,” – dide.