Törek serialı qarap möselmanlıqqa küçkän

AQŞnıñ Viskonsin ştatında 60 yäş’lek xatın-qız “Terelü Ärtuğrul” serialı yoğıntısında İslam dinen qabul itä häm isemen üzgärtä. Xäzer ul- Xädiçä.

Älege xanım keçkenä şähärçektä yäşi. Törek serialında ul Ärtuğrul, Turgut häm Sälcan Xatun obrazların oşata.  Älege tarixi kartinadağı Möxetdin İbn-i Arabinıñ dini êçtälekle dialogları isä amerikalı xanımnıñ tormışın töptän üzgärtä. Ul üzeneñ İslam dinenä yünälüendä “Terelü Ärtuğrul” serialınıñ zur täêsire buluın söyli.

“Tarix belän qızıqsınuım mine älege serialnı qararğa êtärde. Yarıy qarağanmın äle: ul minem küzemne açtı häm min İslamnı öyrändem,”-di Xädiçä.

Ul İslam dine turında tağın da kübräk belü öçen Qor’än-i Kärimneñ inglizçägä tärcemäsen uqıy başlıy. Xäzer Xädiçä xanımnıñ maqsatı: berençe mömkinlektä Törkiyäne barıp kürü häm, xätta, anda yäşäw öçen barıp urnaşu. Ul törek rizıqların da tatıp qararğa teläwen yäşermi. Xätta reśeptların tabıp qayberlären üze dä äzerlägän.

Xädiçä xanımnıñ ata-babaları Amerikağa Norvegiyädän küçenep kilgän. Ul küptän tügen DNK testı yasatqan häm tamırlarında az ğına da bulsa törek êze kürergä ömetlänä.