Pompeyda möhim tabıldıq

İtaliyaneñ Pompey şähärendä arxeologlar iske uram rizığı kul’turasın çağıldıruçı freskalı kibet taptı.

Latin telendä qaynar êçemlek urının añlatuçı termopoliy bularaq belenüçe fastfud kibete arxeologiya parkınıñ Regio V rayonında urın ala.

Pompeydağı Arxeologik urın mödire Massimo Osanna açıqlaw yasap, Pompeyda mondıy ğadättän tış qorılmanıñ berençe tapqır tabıluın äytte.

Tügäräk tişekle öställärdä häm terrakotta sawıtlarda 2 meñ yıllıq rizıq êzläre tabıldı.

Uramda rizıq satıluçı öställärdä tawıq häm ürdäk räsemnäre yasalğan.

Arxeooglar qazularda şulay uq it häm aş peşerü öçen qullanılğan keramik sawıt, şärab şeşäläre häm ber bronza kasä taptı.

Yaqınça 13 meñ keşe yäşägän Pompey şähäre b.ê. soñ 79 yılda Vezuviy vulkanı şartlawınnan soñ lavalar astında qala.

16nçı ğasırda tabılğan häm 1748 yılda arxeologik qazular başlatılğan Pompey Borınğı şähäre YUNESKOnıñ Dön’ya mirası isemlegendä urın ala.