TRT ğomum mödire 57 nçe Aziya -Tın okean translyaśiya berlege başlığı itep saylandı
İbrahim Ӓrӓn 72 ildӓn 271 ӓğ’zası bulğan dönyanıň iň zur tapşırular berlegenӓ Törkiyӓdӓn saylanğan tӓwge keşe buldı
Törkiyӓ teleradiokompaniyӓseneň idarӓ şurası başlığı hӓm ğomum mödir İbrahim Ӓrӓn 57 nçe Aziya -Tın okean translyaśiya berlege başlığı bulıp saylandı.
V’yetnam başqalası Xanoyda ütkӓrü planlaştırılğan 57 nçe Aziya -Tın okean translyaśiya berlege ğomum şurası hӓm bӓylӓneşle cıyılışlar Kovid -19 êpidemiyӓse arqasında bıyıl onlayn platformada uzdı.
Saylawda TRT ğomum mödire bertawıştan Aziya -Tın okean translyaśiya berlege başlığı itep saylandı.
İbrahim Ӓrӓn 72 ildӓn 271 ӓğ’zası bulğan dönyanıň iň zur tapşırular berlegenӓ Törkiyӓdӓn saylanğan tӓwge keşe buldı.
Ul ӓlege wazıyfanı 2023 nçe yılnıň 31 nçe dekabrenӓ qadӓr başqaraçaq.
İbrahim Ӓrӓnneň Aziya -Tın okean translyaśiya berlege başlığı itep saylanuında üze ğomum mödir bulğan çorda TRTneň uňışları artuı, xalıqara êşçӓnleklӓre hӓm törle tellӓrdӓge tapşıruları möhim faktör buldı.
TRT ğomum mödire Ӓrӓn Aziya -Tın okean translyaśiya berlege başlığı itep saylanğannan soň belderü yasap bolay dide: “Dönyanıň iň zur tapşırular assośiyӓśiyӓsenӓ başlıq bulıp saylanu belӓn ğorurlanam. Bu uňış ilebezneň köçennӓn hӓm TRT bularaq xalıqara arenadağı yoğıntıbızdan kilӓ. Min Aziya -Tın okean translyaśiya berlegeneň barlıq ӓğ’zalarına hӓm xezmӓttӓşlӓremӓ olı rӓxmӓtlӓremne citkerӓm”.
Bäyläneşle xäbärlär
İstanbulda “TRT İspan telendä söyläşüçe däwlätlärneñ berençe matbuğat sammitı” oyıştırıldı
Anda Törkiyä ilbaşı apparatınıñ cämäğast’çelek belän êlemtä citäkçese Fäxrettin Altun çığış yasadı