Alihä Kibela watanına qayttı

Borınğı zamanda mullıq häm bäräkät simvolı, saqlawçı dip ışanılğan “ana täñre” Kibela häykäle yaqınça 60 yıldan soñ Törkiyägä kire kiterelde. Bu xaqta mädäniyät häm turizm ministrlığınıñ Twitter akkauntında yazdılar. “Tuğan cirennän ayırıluına 60 yıl ütkännän soñ, Kibela, nihayät’, Törek hawa yulları oçqıçı belän Törkiyägä kiterelde. Bu cirlärneñ mirasına ber-ber artlı iyä bulaçaqbız,”-diyelä anda.

Kibela miladtan soñğı 3nçe ğasırğa qarıy. Anı Törkiyädän urlap İzrailgä alıp kitälär. Häykäl, bik küp yullar uzğannan soñ, AQŞtan watanına qaytarıldı.  

Ministrlıqnıñ tırışlıqlarınnan soñ, 1700 yıllıq äsär Törek hawa yullarınıñ yök taşuçı şirkäte Turkiş Kargo tarafınnan buşlay Törkiyägä kiterelde. Ul başta İstanbul arxeologiya muzeyında kürgäzmägä quyılaçaq. Soñınnan Kibela häykälen Ayonkaraxisarda tözelüçe muzeyğa tapşıraçaqlar.