120 meñ yıllıq keşe ayaq êzläre

Soğud Ğaräbstanınıñ Tabuk töbägendä 120 meñ yıllıq keşe häm xayvan ayaq êzläre tabıldı.

Soğud Ğaräbstanınıñ Turizm häm mädäni miras ministrlığınıñ Komissiya başlığı Casir el Xerbeş başqala Riyadta oyıştırılğan matbuğat oçraşuında Soğud arxeologlarınıñ töbäktä tabılğan borınğı häm kipkän külneñ tirä-yağında keşe, döyä, fil häm qırğıy cänleklärneñ ayaq êzlären tabuın äytte.

Xerbeş 7 keşe, 107 döyä, 43 fil belän ber rättän qırğıy käcä, bolan häm mögezle xayvannarnıqı bulğan şaqtıy êzneñ kürelüen añlattı.

Xerbeş 233 fil häm cäyrän fosil’läreneñ dä tabıluın, ayıruça qırğıy xayvannarnıñ töbäktä yäşäwen isbatlawçı dälillärne dä tabuların açıqladı.

2018 yılda da Tabuk töbägendäge Nefud çülendä 85 meñ yıllıq keşe qaldıqları tabılğan ide.