Ciñel atletika yarışlarınıñ başlanu köne bilgelände

Törkiyä ciñel atletika federaśiyäse koronavirus kizüe arqasında kiçekkän sezonnı 18nçe-19nçı iyül’dä Änkarada oyıştırılaçaq berençe yarış belän başlıy. Annan alda isä 15nçe iyül’ Demokratiyä häm milli berdämlek könendä başqalada maxsus yarışlarğa start birelä.

Yarışlar kalendare Törkiyädä atletlarğa xäzerlek öçen kiräk bulğan 4-6 atnanı küz uñında totıp tözelä. Federaśiyä yasağan belderüdä bolay diyelä: “Bötendön’ya cinel atletika federaśiyäse 2020nçe yıl sezonında töp yarışlarnı avgust-oktyabr’ çorına küçerde. Awrupa illäreneñ bötenesendä diyärlek milli çempionatlar avgust axırı häm sentyabr’ başında ütäçäk. Törkiyä ciñel atletika çempionatı sentyabr’ başında uzdırılaçaq. World Athletics uzğan aprel’ ayında här däwlätneñ cirle dairäläre kertäçäk ayırım çaralarnı küz uñında totıp, kalendar’ bilgelämäde, barı avgust-sentyabr’ çorında milli çempionatlarnıñ tämamlanuın kiñäş itep qarar çığardı”.