İñ yäş’ änilär Bolgariyada
Bu xaqta Awrupa Statistika Ofisı Eurostat belderä
1418064
Awrupa Berlege illäre arasında yäş’ änilär iñ küp bulğan il – Bolgariya.
Awrupa Statistika Ofisı Eurostat berençe tapqır bala tapqan xatın-qız sannarı belän bäyle 2018 yılğa qarawçı mäğlümat äzerläde.
Moña kürä Awrupa Berlege illärendä 2013 yılda 28,8 bulğan yäş änilärneñ yäşe 2018dä 29,3kä citte.
Bolgariyada xatın-qızlar berençe balasın urtaça 26 yäş’tä taba. Rumıniyada – 26,7, Slovakiyada - 27,1.
Balasın soñ tabuçılar isä iñ küp İtaliyada yäşi. Bu ildä xatın-qızlar berençe balasın urtaça 31 yäşendä taba. İtaliyadan soñ İspaniya, Lyuksemburg, İrlandiya häm Greŝiya kilä.
Germaniyada berençe balanı tabu yäşe – 29,7, Franŝiyada – 28,7, Niderlandta – 30, Awstriyada 29,5, Bel’giyada – 29. Törkiyädä isä – 26,3.