Êtnosport - räsemnärdä

Êtnosport mädäniyät festivaleneñ iñ qızıqlı mizgellären ülemsezläştergän fotolar İstanbuldağı kürgäzmägä quyıldı. Şähärneñ Bäyoğlu rayonında oyıştırılğan çara belän qızıqsınuçılar küp.

Bötendön’ya êtnosport konfederaśiyäse atta söñge atu, uqçılıq, köräş, kökbörü şikelle xalıqçan sport törlären kiläçäkkä iltü êşen başqara. Bıyılğı festival’dä 5 törle kategoriyädä bik küp fotorässam qatnaşqan yarış oyıştırıldı. Alardan 85e maxsus urınğa layıq dip tabıldı. Näq’ menä älege fotoräsemnär kürgäzmägä quyıldı da inde.

Çaranın açılışında Bötendön’ya êtnosport konfederaśiyäse räise Bilal Ärdoğan: “Cämğıyät’lärneñ üz mädäniyätlären qabul itüe dön’yadağı  küp mädäniyätlelek, töslelekneñ maturlığın saqlawğa xezmät itäçägen uylıybız,”-dip söyläde.

Kürgäzmädäge fotolar festival’neñ iñ kürkäm mizgellären çağıldıra. Êkspoziśiyä Bäyoğlu xakimiyäte binasında 11nçe fevral’gä qadär êşläyäçäk.