Berlinda törek fotorässamınıñ kürgäzmäse

Germaniyäneñ başqalası Berlinda böten dön’yağa tanılğan törek fotorässamı Ara Gülärneñ kürgäzmäse açıldı. Uzğan yıl 90 yäşendä baqıylıqqa küçkän mäşhür sänğat’çeneñ dön’yanıñ bik küp poçmaqlarında äsärlären kürergä mömkin. Ara Gülärneñ fotoräsemnäreneñ zur öleşe Franśiyä, AQŞ häm Germaniyäneñ törle muzeylarında saqlana.

“Froyndeskrays Willi-Brend-Xaus” cämğıyäte tarafınnan oyıştırılğan kürgäzmädä yaqınça 14 äsärne kürergä mömkin. Êkspoziśiyä Sośial’-demokratlar partiyäse ğomum märkäze “Villi Brand öye”ndä urnaşqan.   

Şul uq waqıtta, älege binada tağın ber kürgäzmä êşli. Ul - “2019nçı yıl Sony bötendön’ya fotografiyä büläkläre” dip atala. Anda Anadolu agentlığı fotoxäbärçese Mostafa Xassonanıñ İzrailneñ Ğazzä çigendä töşergän räsemnäre urın ala.

İke kürgäzmä dä 2020nçe yılnıñ 2nçe fevralenä qadär açıq.