Germaniyäneñ iñ tanılğan muzeyen taladılar

Germaniyäneñ könçığışındağı Drezden qalasında Awrupanıñ iñ zur xäzinä kollekśiyäsenä iyä bulğan Grüne Gevölbe muzeyın taladılar.

Poliśiyä mäğ’lümatlarına qarağanda, qaraqlar irtänge säğat’lärdä muzeynıñ êlektr çeltären kiskän häm qırıy yaqtağı ber täräzädän êçkä kergän.  

Saksoniyä vilayäte başlığı Maykl Kreçmer waqıyğa urınına barıp wäqalätlelärdän mäğ’lümat aldı. Soñınnan ul belderü yasap bolay dide: “Barı tik däwlätneñ sänğat’ äsärläre urlanmadı, monda Saksoniyäneñ qıymmätläre urlandı. Grüne Gevolbe häm älege sänğat’ äsärläre bulmasa, cirlärebezneñ tarixin añlatu awır bulır”.

Nemeś mediasında urın alğan xäbärlärdä muzeydan urlanğan äsärlär häm qıymmätle äyberlärneñ bäyäse 1 milliard yevrodan artıq buluı farazlana.

“Bild” gazetı yazğança, ut çıbıqları kiselügä qaramastan, muzeydağı qurqınıçsızlıq kameraları başqa ber çeltärdän êlektr alğan häm qaraqlarnı töşergän.