Ärdoğannıñ UEFA qararına cawabı

UEFA Awrupa 2020 saylap alu matçlarında Albaniyä häm Franśiyä belän oçraşularda gol kertkän söyeneçtän xärbi sälamläw birgän Törkiyä cıyılma komandasın säyäsi provokaśiyädä ğayepläp diśiplinar tikşerü başladı. Törkiyä ilbaşı Räcäp Tayyip Ärdoğan UEFAnıñ bu qararına reakśiyäsen belderde. Ul mäclestä jurnalistlarnıñ sorawlarına cawap birep bolay dide: “Küñelle xäl tügel. Mondıy xälne kürgän yuq ide. Min monda bik citdi ber närsä çığaçağın uylamıym. Bälki ber ğayepläw belderüe yasarlar. Anıñ tışında, bu noqtağa qadär kilgän komandağa tiskäre mönäsäbät bulmas… Sportçılarıbıznıñ xärbilärebezgä birgän sälame üzlärenä uñış belän kire qaytuın Allahtan sorıybız”.