5 meň yıllıq şähär tabıldı

İzrailneň tön’yağında tarixi Fälästin cirlärendä 5 meň yıllıq buluı çamalanğan borınğı şähär qaldıqları tabıldı.

İzrailneň Antikvariat oyışmasınnan yasalğan yazma açıqlawda Xariş şähäre yanındağı yul êşçänlekläre waqıtında tabılğan şähärneň 65 gektarlık buluı häm 6 meňgä yaqın keşeneň yäşäwe urın ala.

5 meň yıllıq şähärdä yullarnıň häm mäxällälärneň planlı räweştä tözelüe, şähärdä ğibadätxanäneň dä buluı açıqlandı.

Bağanalar belän äyländerep alınğan şähärdä xalıq igençelek belän şöğillängän, şulay uq qalğan töbäklär belän säwdä başqaruları uylanıla.

Açıqlawda tabılğan şähärneň êlekke çornıň N’yu-Yorkı buluı, meňnärçä keşe yäşägän kosmopolit häm planlı şähär buluı belderelä.

2 yıl yarım däwam itkän qazularda keşe häm xayvan häykälläreneň, çülmäk kisäkläre häm qayber sawıt-sabalar da bulğan barlığı 4 million äyberneň çığarıluı citkerelde.