Uram xaywannarı öçen konśert

Bötendön’yada mäşhür ital’yan tenor Alessandro Safina Törkiyädä uram xaywannarı faydasına konśert quydı. Ul İzmirneñ Çişmä rayonında ütte. Açıq hawa teatrında tabiğat’ häm xaywan yaratuçılar cämğıyäte tarafınnan oyıştırılğan konśertta tanılğan arfaçı Viktor Êspinola da uynadı.

Safina, konśertta çığış yasap, uram xaywannarı faydasına oyıştırılğan kiçädä säxnädä buluı öçen ğorurlanuın belderde häm öleş kerteçülärgä räxmäten citkerde.  

Konśerttan kilgän böten kerem Çişmä yarımutrawında uramda yäşäwçe xaywannarnı däwalaw, tuqlandıru häm sıyınu urınnarı buldıru öçen totılaçaq.