Mesüt Özilgä höcüm ittelär

Angliyä prem’yer-ligası komandası Arsenalda uynawçı Mäsüt Özilgä başqala Londonda höcüm buldı. Cirle matbuğat çaralarındağı xäbärlärgä qarağanda, motośikllı 2 keşe futbolçınıñ maşinasına pıçaqlar belän taşlandı.

İnternetta çıqqan 8 sekundlıq videoda Mäsüt Özilneñ maşinalarnıñ işeklären bikläp quzğalıp kitüe, annan alda ber ük komandada uynawçı iptäşe bosniyäle Sead Kolaśinaśnıñ isä tışqa çığıp höcümçelärgä qarşılıq birergä mataşuı kürenä.

Özil soñınnan maşinasın yulda qaldırıp yänäşädäge ber törek restoranına kerep yärdäm sorıy. Anda êşläwçelär tışqa çığuğa yözlären kürsätmi torğan kaskalı motośiklçılar waqıyğa urınınnan qaça. Höcümneñ talaw maqsatınnan yasaluı farazlana. İke futbolçı da poliśiyägä mäğ’lümat birgän. Alarnıñ sälamätleklärenä zıyan kilmägän.