Terrorçılar yandırğan mäçet qabat açıla

Törkiyädä Diyarbaqır töbäge Sur rayonında separatist terrorçı oyışması PKK tarafınnan yandırılğan yad’kär Fatix Paşa mäçete 4 yıldan soñ ğıybadät öçen açılaçaq. 500 yıllıq qorılma bügen Räğaib kiçäsendä xalıqnı qabul itä başlıy.  

Mäçet 2015nçe yılda PKKlı terrorçılarnıñ şartlatuları arqasında zarar kürgän ide.  

Tarixi bina 1516nçı yılda Diyarbaqırğa vilayät’ başlığı bularaq bilgelängän Mıyıqlı Mäxmät Paşa tarafınnan tözetterelgän. Östeneñ qurğaş belän qaplanuı öçen anı xalıq arasında Qurğaşlı mäçet (Kurşunlu Cami) dip tä yörtälär.

Mäçet Räğaib kiçäsendä qabat işeklären aça. Anda Diniyä êşläre räise Ali Ärbaşnıñ qatnaşında programma ütäçäk.