Tähranda Ara Gülär kürgäzmäse

“Ara Gülär universal” proyektı qısalarında tormışqa aşırıluçı “Yuğalğan tarixnıñ xatiräse” kürgäzmäse İrannıñ başqalası Tähranda sänğat’ söyüçelär öçen açıldı. Mädäniyät üzägendä bulğan açılışta Törkiyäneñ Tährandağı ilçese Därya Örs, fotoxäbärçe, jurnalist häm dokumental’ fil’m töşerüçe Coşkun Aral, proyektnıñ xucası franśuz küratör Patris Vallett, iranlı fotorässamnar qatnaştı.

İlçe Örs beldergänçä, Ara Gülärneñ 140-150 fotoräsemennän toruçı kürgäzmäneñ Tähranda açıluı bik mäğ’näle.

Kürgäzmädä tanılğan sänğat’çeneñ icatına bağışlanğan farsıça häm inglizçä basılğan kitapnı täq’dim ittelär.  

“Ara Gülär universal” proyektı qısalarında Malayziya, İndoneziya, Franśiya, Yaponiyä, Gruziyä, Rusiyä häm Katar şikelle illärdä dä fotokürgäzmälär oyıştırılaçaq.

Bilgele bulğança, Ara Gülär xalıqara belgeçlär tarafınnan dön’yadağı iñ yaxşı cide fotorässamneñ berse dip ataldı. 2018nçe yılbnıñ 17nçe oktyabrendä baqıylıqqa küçkän sänğat’çe Törkiyädä dokumental’ fotorässamçılıqnıñ xalıqara mäydanda tanılğan iñ ähämiyätle wäkile ide. Arxivındağı 2 millionnan artıq foto belän ul yözlärçä kürgäzmädä qatnaştı, xisapsız büläkkä layıq buldı.