Katar - çempion

2019nçı yıl Aziya futbol çempionatında, Yaponiyäne 3kä 1cinep, Katar berençelekne yawladı. Komandalar Berläşkän Ğaräp Ämirlekläreneñ Abu-Dabidağı “Zayäd Sports Siti” stadionında köç sınaştı.

Turnirda täwge märtäbä finalğa çıqqan Katar monnan alda 4 tapqır çempion bulğan Yaponiyä qarşısında bik ömetle şikelle kürenmägän ide. Ämma 12nçe minutta Almoez Ali häm 27nçe minutta Abdulaziz Hatämneñ golları belän berençe taymnı 2-0 isäbe belän tögälläde.

Oçraşunıñ 69nçı minutında Yaponiyä, Takumi Minaminonıñ golı belän, ayırmanı bergä genä qaldırdı. 83nçe minutta Akram Afif penal’tidan tup kertte häm isäpne 3kä1xälenä kiterde. Qalğan minutlarda Katar bu östenlegen saqladı häm tarixındağı täwge çempionlıqnı yawladı.